كلنا عايشين هنا ف قلب الوطن العربي الكبيييييييييييييييييير
فيه منا ناس فوووق اوي ودول طبعا ربنا يجعل كلامنا خفيف عليهم
وناس - اللي هو احنا - مضايقينهم اوي وقرفينهم في عيشتهم وعشان كده بيحاولوا يتخلصوا مننا بكل الطرق والكباري لكن لحد دلوقتي مش عارفين
لاننا كل مابيموت مننا واحد بيتولد ميت واحد .
وحانفضل علي قلبكم كده علي طول
لاننا م الاخر
احنا الناس التانين
وكلامي كله حايكون عننا احنا الغلابه . اللي بنفرح بماتشات الكوره لما مصر بتغلب مع ان اللعيبه هما اللي بياخدوا كل الفلوس . وبنفرح بالمنحه بتاعت كل سنه مع ان الاسعار بتزيد قبلها وبعدها . وبنفرح لما نروح جنينه عامه نقعد ناكل محشي مع ان المفروض المحشي مضر جدا بالجناين العامه .
اسيبكم مع اول بوست
علا بركات
هناك 3 تعليقات:
كل مقالاتك جميلة اوي يا علا. بجد المقالة دي جت علي الجرح وضغطت اوي, باحس انك بترسمي همومنا واحزانا وكل كلمة بتنطق بدمعة وكلمة آآآآه
hima
بصراحه مدونه في غاية الروعة فيها معاني مختلفه لنقد حال الشعب والسخريه منه بس برضه مش لازم ننسي ان الحكومه دي عناصرها ناس كانوا عاديين زيي وزيك كده بس الظروف هي اللي ساعدتهم انهم يوصلو للمناصب دي ولما يوصلولها يبلعوا البلد في كرشهم وكأنها بتاعت ابوهم والمهم ان قبل الثورة ايام ما كانت مصر محتله زي ما بيقولوا علي الاقل الجنيه كانت قيمته بتساوي الجنيه الدهب يعني كان قوي انما دلوقتي لا حول له ولا قوه انا مش بأيد الاحتلال بس انا عايز اقول انهم بالرغم من انهم محتلين البلد وبيسرقوها لكن بيسرقوا بالعقل بحيث مايضروش البلد اللي قاعدين فيها بالرغم من انهم اعداء يعني من الاخر كانو بيفكرو هيسرقوا من البلد ايه انما حكومتنا بتفكر حتسيب للشعب ايه
فداء محمود
السلام عليكم
تلك حال الدنيا ناس فوق وكان فية زمان ناس في النصف ولكن الان يافوق يا تحت لا وسط .للاسف
ولكن يوجد الناس المسطورة الحمد لله .
..
ادعوكي للانضمام معنا في الاتحاد المدونين المصريين ...
وتحياتي
إرسال تعليق